Home
Poesie
Pubblicazioni
Foto
Eventi
Contattami
Chi sono
|
|
Scritta il: 15/04/1978 |
Questa poesia è l'unica composizione che mi da un'emozione sempre viva. Una sera sul tardi andando a letto, aprii la porta che da nella stanza da letto e mi trovai innanzi una scena di Paradiso! Dai vetri della finestra, avendo mia moglie lasciata la persiana abbastanza alta, entravano i raggi di una luna piena che la illuminavano! Questa scena mi fece tornare indietro e, preso un pezzo di carta ed una penna scrissi questi versi (mai più cambiati ) nel giro di una quindicina di minuti. Per la chiusa finale della stessa, per molti anni da diversi amici poeti fui chiamato:- "Il poeta delle stelle"
|
(da CORE E FANTASIA 1978) MENTRE DUORME
Duorme passiona mia ! Quanto si bella
accucciuliata sotto a 'sta cuperta;
'nu raggio 'e luna allumma 'sta faccella
trasenno d"a perziana meza aperta.
Tiene 'nu pizzo a riso ca mme dice:
- Lasseme sta, 'o vvì ca sto sunnanno? -
Comme staie allera, comme sì felice,
ma nun saie si cammine o staie vulanno.
Starraie ncoppe a 'na nuvola, 'na stella,
ncopp"a 'nu carro tutto oro e brillante,
o staie viaggianno 'int'a 'na varchetella
pe' ghi' a truvà 'nu princepe rignante?
Curre! Va addò vuò tu, chi te cumanna!
'A fantasia 'e 'stu suonno è bella assaie!
Liggera t'accumpagna e nun te nganna
...e... nun fermarte!! Nun fermarte maie.
Dimane, a 'o primmo suono d"e ccampane
te scite e tutto cosa avraie scurdato,
'a luce, 'o sole, purtarrò luntane
tutte 'sti belli suonne ch'hé sunnato.
Te stancarraie pe' guvernà 'sta casa
comme a ogni ghjuorno, sempe cu passione
e quanno 'a sera lenta sarrà scesa,
m'aspettarraie areto a 'nu balcone.
Pirciò, sfruttalo 'o suonno ca te faie
pecché sultanto nzuonno, 'a vita è bella
e, si mme cirche, llà mme truvarraie,
stongo aspettanno a te... ncoppe a 'na stella
|
|
|
|
|
