Home
Poesie
Pubblicazioni
Foto
Eventi
Contattami
Chi sono
|
|
Scritta il: 19/12/1996 |
I versi di questo sonetto, nacquero guardando una foto del mio matrimonio che tengo esposta su di un mobile in sala da pranzo; io e mia moglie teniamo un’espressione particolare! E’ la vittoria dell’amore.
|
(da Mumente 1996) NIENTE E' CAGNATO
Quanno mme guardo ‘sta fotografia
muntata dinto a ‘na curnice ‘argento,
penzo: - Quant’è felice ‘a vita mia
cu te, tutta passione e sentimento.-
Tu, cu ‘o vestito janco; ‘na puisia.
Chi se po’ scurdà cchiù chillu mumento!...
Te veco ancora nfaccia l’alleria
e te confesso, io pure ero cuntento.
Ascèvamo d”a Cchiesia già spusate
doppo dduie anne ‘ammore...ire ‘na stella.
Ma ll’anne nzieme a tte, nun so’ ppassate.
È sempe aiere...e sarraie sempe bella,
pecché, nuie simmo ‘e stesse ‘nnammurate
e tu...si sempe ‘a stessa figliulella.
|
|
|
|
|
