Home
Poesie
Pubblicazioni
Foto
Eventi
Contattami
Chi sono
|
|
Scritta il: 19/12/1996 |
I versi di questa mia composizione, li scrissi sei giorni dopo la dipartita di mia madre...e mi fermo qui. A chi legge, il compito di stabilire il mio stato d’animo in quel momento.
Rino Vittozzi
|
(da Mumente 1996) COMME A 'NU PASSARIELLO
È proprio overo ca te ne si ghiuta!...
Nun sto sunnanno, chesta è ‘a rialtà.
‘A vita toia ll’hê spesa, mo è fernuta;
areto maie nisciuno po’ turnà.
Però, si penzo ll’anne ch’hê campato,
ll’esempio ch’hê rimasto a ‘sti tre ffiglie,
è stato bello chello ca c’ê dato,
ce penzo...e mme se nfonneno ‘sti cciglie.
Comme pozzo di cchiù: - Mamma mia bella -
si attuorno a me, ‘a notte è proprio nera;
guardo ‘stu cielo...nun ce sta ‘na stella,
ma ce staie tu che dice ‘na preghiera.
Ne songo certo, tu nun m’abbandune,
te sento affianco, sempe, ogni mumento,
pirciò, penziero mio ca nun ragiune
nun farne ‘e ‘stu ricordo ‘nu turmiento.
Comme a ‘nu passariello si vulata,
cercanno ‘a vita eterna oj mamma mia.
‘Sta vota ‘a mana mia tu hê accumpagnata,
si no...comme ‘a screvevo ‘sta puisia.
|
|
|
|
|
