Home
Poesie
Pubblicazioni
Foto
Eventi
Contattami
Chi sono
|
|
Scritta il: 19/12/1996 |
Già tenevo in stampa questo libro, ma non ero convinto che titolo dargli: un giorno, un caro amico mi disse:- Ti sei mai domandato se noi conservassimo i momenti salienti della nostra vita come sarebbe bello?- Subito afferrai l’idea e, tornato a casa, presi carta e penna e nacque MUMENTE che poi servì anche per dare il titolo al mio libro nascente.
Rino Vittozzi
|
(da Mumente 1996) MUMENTE
Mumente, mumente, ancora mumente
ca tu nun riesce ‘na vota a fermà.
‘Sta vita è ‘na corza e dinto a ‘nu niente
chill’anne ca tiene, nun saie cchiù cuntà.
E passa ‘nu juorno, po’ n’ato e po’ n’ato,
s’accocchiano ggioie, dulure e ppenziere,
riflette e t’addurne ca ‘o tempo è passato,
ma l’ogge nun è comme a chillo d’aiere.
Songh’j’ chillu llà ca curreva p”e strate?
Penzavo, penzavo...ma po’ che penzavo!...
Tenevo ‘int”o core ddoie, tre ‘nnammurate,
a una ‘a pigliavo, a’ n’ata ‘a lassavo!
Mumente passate cantanno e pazzianno,
mumente ca cerco e nun trovo cchiù.
Va trova ‘sti tiempe ‘e tanno addò stanno,
addio diciott’anne, addio gioventù.
Vulesse turnà pe’ ‘na vota guaglione,
vedé tutt’amice…’na vota a papà,
turnasse ‘int’a scola a fa ‘nu filone
o dint’a ‘na stanza ancora a studià.
Ma vide ‘nu poco che vò ‘stu cervello!...
Pazzéa cu ‘stu core ca sape e se pente
d”o tempo perduto, passato, assaie bello;
‘e tutt”e mumente!...Ma quanta mumente.
|
|
|
|
|
