Home
Poesie
Pubblicazioni
Foto
Eventi
Contattami
Chi sono
|
|
Scritta il: 19/12/1996 |
Quando entrai nella casetta che fittai in quel di Frigento, in provincia di Avellino, era il mese di Marzo dell’89. Faceva veramente freddo e fui costretto a procurarmi della legna per accendere il camino; che gioia vedere quelle faville schioppettanti! Questa situazione nuova per me, m’ispirò improvvisamente i seguenti versi..
Rino Vittozzi
|
(da Mumente 1996) VICINO A 'O FUOCO
Vierno è venuto comme Dio cumanna!
‘O friddo fa ‘o padrone dint”e ccase,
da ‘o cielo scene n’acqua fina fina
ma so’ felice, canta chistu core.
Aggio miso ‘o llignammo ‘int”o camino
e chiano chiano, ll’aggio dato fuoco,
‘sta lampa mentre aumenta mano mano
ce mette ncopp”e ffaccia l’alleria.
Schioppa ‘o llignammo e volano pe’ ll’aria
comme a ppalomme, stelle ‘e fuoco ardente,
‘e secuto cu ‘st’uocchie e ...tutto nzieme
cado ‘int’a ll’uocchie tuie belle e lucente.
Forse chisà, mme sto facendo antico,
ma che piacere a sta vicino a ‘o fuoco,
forse tu pure, ll’anne già passate
t”e ppise...e t’arricuorde ‘a gioventù.
Ma ch”e ffacimmo a fa chisti penziere
si ‘st’aneme se cercano da sempe,
che ce ne ‘mporta. ‘O poco d”a stanchezza
ce passarrà dicenno ‘na preghiera.
E scenne chiano, l’ombra ‘e n’ata sera.
Tu scapuzzie...io sto screvenno ancora.
Comme si bello angiulillo mio,
Dio vulette accussì?...E accussì sia.
|
|
|
|
|
