Home
Poesie
Pubblicazioni
Foto
Eventi
Contattami
Chi sono
|
|
Scritta il: 25/05/2006 |
Nemmeno a farlo apposta, questa è l’ultima poesia che scrissi a Belmonte Calabro, perché l’anno dopo iniziai a praticare il gruppo dei Francescani dell’Immacolata e...finirono le ferie al mare, il salotto domenicale e tante altre cose; ma non la passione della poesia.
Rino Vittozzi
|
(dal volume ARIA 'E MARE) ARIA 'E MARE Poesie napoletane e italiane Ed.Rivizzi
‘Na rummasuglia ‘e stagione!
Ancora tre gghjuorne e po’ Austo
zenneja a ‘o primmo ‘e Settembre.
‘Na nuvola, n’ata e po’ n’ata
cumpareno ncielo e ‘stu mare
già va cagnanno culore.
A rriva se tirano ‘e vvarche;
che maletiempo sta fore;
p”a spiaggia ‘a ggente scumpare
comme si avesse paura.
Chest’acqua se nfuria, s’abboffa
comme dicesse: - Mo basta!
Turnate a ‘sti ccase luntane,
pe’ vvuie ‘a stagione è fernuta;
lassateme sulo cu ‘a rena,
cu ‘a pace d”e notte ‘ncantate -
E ll’onne secutano ll’onne
sbattennese comme ‘mpazzute.
Pe’ ‘nnanze a ‘st’uocchie mme pare
ca volano perle e brillante.
Ma ‘st’aria...chest’aria salmastra,
‘st’addore ch’arriva ‘a luntano
me da’ ‘na speranza e m’avvìo…
ma torno ll’anno che vene!...
28 Agosto 1987
|
|
|
|
|
